Gvnin i Iqi Arambi [sure arahangge]
本帖最后由 sure 于 2013-1-2 21:03 编辑Gvnin i Iqi Arambi
sure arahangge
Mukden hoton beseqi, yala emu holo beging. Adarame sembini. Beging de bisirele ai ai haqin i unqahan be mukden hoton de yooni udame gaime mutembi. Beging hoton de wang jing sere solho labdu teqere ba bi. Mukden hoton de sii ta sere ba bi. Fe gurung seme inu beging hoton de adalixame emke ajigesi ningge bi. Turijen de radio donjiqi, boigoji jing anggai iqi gisureme, ‘ilan LV puseli bisire hoton ome,musei mukden hoton…’ sembi.
Beging hoton qi mukden de bederefi ududu biya ohobi. Damu fengsen kemuni beyei gvnin be forgoxobume iqe xurdesu de aqabume mutere unde. Inenggidari bas de teme hoton be hafunara jakade, daruhai kemuni beging hoton de bi seme serere babi. ‘ara,ere ojorakv ayoo.’ seme fengsen dolo beye de gisurembime uju bas i fa denikeme bolosu tatabume neihe fa deri amasi elhe nuhan genehe giyai dalbai ujen weilequn songko tumin jaluka tuwabun be heleri halari seme xambi.
Dergi amargi bai bolori umesi foholon. Juwari i xorire xun be eleme alire unde tuweri uthai jimbi seme serebumbi. Te jing aniya hvsime ujui uju sain forgon inu. Haqingga tebusu gemu beyei abdaha be badarambupi, ineku aniya i lala halhvn be muterei teile alimbi. Haqingga gursu yooni tuweri be hetumbure jalin, teisu teisu ekxeme belhembi.
Taqikv qi derkidefi tetele ilan biya ohobi. Daqi emu sibkire ba de weilenembi seme boljohoibihe seme, damu dubetele xanggahakv. ‘Arga akv baita seqina.’ seme Fengsen uttu beye beye bebilume, ‘Akv oqi geli ainambini.’ sembi. Jabxan de mukden hoton de guqu bime ofi, weilere ba be baihaname jiqi inu jetere dedure ba degvnin tataxara ba heni majige akv.
‘Ne fon de, taqituseqi, indahvn qi kemuni fulu, xorgitu seqi, indahvn i gese labdu, deseretu seqi, inu uttu.’ seme guquse i sasa arki omiqara jakade, daruhai uttu yobo maktambihe. Beye de oqi, weilere ba be baihanara de mangga inu tuttu. Damu ainaha seme xorgitu qolo be gaiha ofi, asu de weilere ba be baihanara de inu tusangga. Eri, hanqi inenggi duin sunja aqame qendere nashvn be gaiha. Enenggi geli emke aqame qendere de genembi. Emu albasi simnen be taqibure duwaliqan. Fengsen daqi albasi simnen jai albasi sere weile de sain gvnin akv. Damu jetere baita oyonggo ofi, eimebure weile inu weile seqina. uttu, doigomxome kiqen bebelhehe. Kiqen giyangnara serengge, fengsen de umesi ja ombi. Daqi xolo de inu kiqen giyangnambihe. Damu basa akv bihe dabala. Qendeme giyangnara jakade, tere tuwaqi se asihan tuxan alire hehe, qoko bele jeke gese, tuwaralame uju gehexehei bihe babe tuwaha de, ‘ere weile baha.’ seme fengsen dolo bodombi. Kiqen qendeme giyangnafi, fengsen be ‘bederefi mede aliyaki.’seme gisurembi.
Iligan qi tuqifi, hiyok seme sukdun tuqibufi, ai haqin i ujen jaka be sindaha gese, beyei gubqi weihuken sulakan ohobi seme serembi. Bas i nakamba de bas aliyara de, takan tere bai guqu de gisutuleme, yamji buda be taktui fejile tere sibiyan yali be jeme muji nure omime genembi semeboljombi.
Tere sibiyan yali giya puseli yargiyan i ningki bi. Dobori dari dere tome gemu niyalma jalumpi tembi. Hvda ja bime muji nure xahvrun ofi. Dobori jime saka, puseli boigoji uthai 凤凰传奇 i ningkiuqun be den jilgan i selgiyerengge, alin ba na be aqinggiyabumbi. ♪ 苍茫的天涯是我的爱 绵绵的青山脚下花正开 什么样的节奏是最呀最摇摆 什么样的歌声才是最开怀
Haqin haqin i aisin monggon futa ashara hahasi jai menggun semken ashara hehesi, uqun i jalaktan de aqabume beye elhe nuhan i delixerengge, halhvn sukdun waqihiyame ekiyeniyere unde mukden hoton i bolori sukdun i dolo.
wajire unde.
@Namutu sabuha...bi ergeme geneki,cimari jai hing seme gingguleme hvlambi~ sain manju hergan a, mini gurun i hergen be tuwambi~
hihalambi~
bi oci kanada bi,
kanada i anda akv?
页:
[1]