jahari 发表于 2011-4-23 07:51:24

jalan de targabure hafu gisun

ubaliyambuha uqulen juru gisun irgebun fujurun翻译词联诗赋赫

转写整理 白山市第二十五中学
教师
(白山市
江源区
弯沟镇)jalan de targabure hafu gisunemu jalan baita de gemu toktoho hesebun bi, baifi ainambi, qimari i baita be enenggi bahafi sarkv, alixafi ainambi, ama eme de dorolorakv bime jalan i wesihungge fuqihi de doroloqi, ginggulefi ainambi, ahvn deo eyun non serengge gemu banjiha giranggi yali, temxefi ainambi, juse omosi de ini qisui juse omosi i hvturi bi, joboxofi ainambi, aha nehu inu meimeni ama eme i banjihangge, adunggiyafi ainambi, hafan ofi tusangga baita be yaburakv oqi, hafan tefi ainambi, siden i yamun i dolo yabun be dasarangge ja, oshodofi ainambi, xudeme gamame niyalma be waqi dubentele beye wabumbi, argadafi ainambi, ujui ninggui ilan juxuru i dubede enduri genggiyen bi, eiterefi ainambi, xu fiyelen julge qi ebsi toktoho temgetu akv, tukiyeqefi ainambi, derengge saikan bayan wesihun yasai juleri ilhai adali, qoktolofi ainambi, weri booi bayan wesihun nenehe jalan qi toktobuhangge, silhidafi ainambi, ne jalan de gosihon alirengge nenehe jalan de dasahakv haran, gasafi ainambi, niyalma ofi forgon bahara erin akv mujanggao, ekxefi ainambi, niyalmai jalan de angga neime injere be baha de mangga, jobofi ainambi, manaha be niyeqefi beye be dalime beyerakv oqi uthai wajiha, kobqihiyadafi ainambi, jetere jaka bilha duleme uthai ubaliyambi, gabula ofi ainambi, beye wajiha amala emu jiha seme gamame muterakv, burgiyen ofi ainambi, nenehe niyalmai usin amaga niyalma de bargiyabumbi, ejelefi ainambi, jabxan bahara ba serengge jabxan ufarara ba, doosidafi ainambi, sure sektu sehei nememe sure sektu de sartabumbi, faksidafi ainambi, holo gisun de emu jalan i hvturi gemu argiyabumbi, holtofi ainambi, uru waka dubentele ini qisui getukelebumbi, ilgafi ainambi, boqo de niyalmai umgan dorgideri olhombi, dufedefi ainambi, gise hehe dedure jiha efire urse dubei forgon sain akv, efifi ainambi, boo be dasara de kiqebe malhvn oqi niyalma de baire qi fulu, mamgiyafi ainambi, niyalma oyomburakv jili banjiqi mekele daixara dabala, ushafi ainambi, ehe niyalma de eiqi imbe akabure ehe niyalma bi, eimefi ainambi, kimun de kimun i karulaqi atanggi dube da, gasaqun falifi ainambi, banjire niyalma yamaka bade uqararakv, nimequke ofi ainambi, jalan i baita yargiyan i emu mudan tonio sindara adali, bodofi ainambi, we daruhai baita akv be akdulame mutembi, yekerxefi ainambi, xengsin i siren niyalmai mujilen de bi alin de akv, kiqefi ainambi, niyalma be gidaxaqi jobolon bi, niyalma be guwebuqi hvturi bi, foyodofi ainambi, emu qimari andande boljoqi ojorakv sehede tumen baita wajimbi, ebxefi ainambi.
页: [1]
查看完整版本: jalan de targabure hafu gisun