uju xaraka sakda i jalin akara uqulen
ubaliyambuha uqulen juru gisun irgebun fujurun翻译词联诗赋赫文
转写整理 白山市第二十五中学
教师
（白山市
江源区
弯沟镇）lio ting jyuju xaraka sakda i jalin akara uqulen lo yang heqen i dergi toro foyoro ilha, ebsi qasi dekdehei dubede wei boode isinara, lo yang heqen i sargan jui boqo qira hairaquka, ilha sihara de teisulebuhe dari urui sejileme nasaha, ere aniya ilha sihafi boqo qira gvwaliyaka, ishun aniya ilha ilaha manggi weqi bisire be sara, jakdan moo mailasun moo be tuhebufi deijiku obure be afanggala sabuha, geli nimalan usin mederi ome ubaliyaka be donjiha, lo yang heqen i dergi ergi de julgei niyalma gemu wajiha, te i niyalma geli ilha be sihabure edun i ishun iliha, aniya aniya emu adali ningge ilha, aniya aniya adali akvngge niyalma, se qiksin banin ginqihiyan niyalma de ala, wajire hamika xaraka sakda be jilaqina, ere sakda uju xarakangge absi jilaquka, i daqi inu emu hoqikosaka banin ginqihiyan asihata, gung ni juse wang ni omosi i emgi saikan mooi fejile sargaxaha, sihaha ilhai juleri bolgo uqun uquleme yebqungge, maksin maksiha guwang lu hafan i omo karan junggin gequheri i gese faidaha, jiyanggiyvn i taktu asari de endurin niyalmai arbun be niruha, emu qimari andande nimeme nahalaqi guqu gargan aba, niyengniyeri forgon de sebjeleme saraxara be dasame bahara de mangga, dodon i gese faitan yar seme saikan ojorongge giyanakv udu goidaha, dartai andande funiyehe xarapi sirge i gese faqaha, damu julgei uqulere maksire ba be tuwaqina, gerhen mukiyeme gasha qeqike usaquka jilgan guwendere teile dabala.
页:
[1]