sakdaka manggi mangga sere uqun
ubaliyambuha uqulen juru gisun irgebun fujurun翻译词联诗赋赫 文 转写整理 白山市第二十五中学 教师 （白山市 江源区 弯沟镇）sakdaka manggi mangga sere uqun sakdaka manggi mangga, sakdaka manggi mangga, sakdasai uttu gisurehe be daqi akdarangge tongga, dade damu weri be sakdaka sembihe, bi enenggi teile beye inu sei baru oho be we gvniha, minggan haqin i gosihon tumen haqin i akaquka, suwe donji, bi daqi dubede isitala narhvxame alara, xan jigeyen niyalma i gisurere be donjime muterakv, femen axxara be sabure gojime aisere be ainambahafi sara, gvnin girkvfi donjime wajifi geli fonjiha, geren gemu herserekv be ainara, jortai erken terken i balai siltame banjire sain ningge seme inu yohindarakv tuwaha, amdun de amdulabuha gese heyenehe derike yasa, gelerjeme yasai muke eyeme eiten be tuwara de mangga, niyaman guqu be aqara de waka sabubure ba labdu, mimbe sakdaka de anatame jortai fiyanarambi seme wakaxaha, weihe tuhefi anggai hoxo de obonggi jaluka, mangga jaka be niyanggvme muterakv, gulhun i bilha de dosimbuha, sogi oqibe belge oqibe weihe jaka de sibuha, jetere dari urui weihe dasakv be baibuha, oforo sangga gvldurafi niyaki tuhere mangga, aika ohode tunggen i juleri sabdan sabdan i latunaha, qai i hvntahan budai moro de tuhenere be boljoqi ojorakv, antaha de guqu arara de dembei hataquka, funiyehe seri ofi xahvrun uju de afanjiha, edun dara de hamirakv aini dalime sujara, tuweri forgon de mahala etuhei dobori dedumbi, xulu funiyehe lekderekengge tuwara de fanjuma, beye deduhe manggi kurbuxeme axxarangge mangga, beyei gubqi singgiyame nimerengge absi akaquka gerendere be erehei ja i gerenderakv de fuhali amu baharakv, ududu mudan ilifi narhvn edun tuwaha, bethe mangga ofi ikvre de mangga, moselame teki seqi gala i murime bukdabuha, elhei yafahalara de juwe ilan ba yabume muterakv, den bade tafaqi tai hang alin de tafara gese seqina, gala be amasi forobufi julesi ibeme faqihiyaxaha, uju gidafi yabure feliyere de dara mudangga, buya juse sakdaka niyalmai gosihon be sarkv, mimbe uju gidafi jiha tunggiyembi seme basuha, giranggi niome xahvrun, tunggen i dolori niksiha gequhun erinde yaha filere de ele fanqaquka, etuku deijiburakv oqi jibehun deijibumbi, xanggiyan de hon hamirakvngge heyenehe, juwe yasa, gvniha dari yasai muke sabdaha, haha jui sargan jui i jalin jobome suilahangge gemu mekele dabala, juse omosi feniyen feniyen biqibe, gvnin be tosome emu gisun fonjirengge yaka, beri beri faqafi, meimeni sebjen be baihanaha, sargan de halaname juse be tangsulame teisu teisu amgaha, beye be weri i jui seme oron gvnirakv, gvnin mangga de sakda niyalma be fuhali hv i amala maktaha, jibehun i dolo xahvrun, a jen i dasire de mangga, anggai dolo kangkahai elei xanggiyan banjinaha, eitereme sureme hvlaqi umai jabure niyalma akv, majige qai muke gaji seqi aba, tunggen i dolo baita be wede alara, mujilen efujehe babe tuqibume ere golmin uqun araha, sakdaka manggi bayan wesihun oki seme gvnirakv bahaqi jui hiyooxungga omolo sain oqina, buyerengge mini ere emu fiyelen be hvlara amaga niyalma, erin be amqame se baha ama eme be hiyooxula, abkai doro karu de karu sehengge taxan akv, yasa tuwahai suweni beye inu se de ojoro isika.
页:
[1]