Okolando i agarangge
本帖最后由 brotlein 于 2011-4-25 22:57 编辑2011-04-25Biyai usihanggi (月曜日)
Dulimbai gurun de oci, abka aifini bulukan ofi, hacingga jing ilha ilaha saikan erin biheni; julergi hontoho mumuhu (南半球) i mini bisire ere ajige tun i gurun de oci, forgon tob seme cashūn genefi bolori dubesilehe turgunde, agara inenggi inu labdu oho.
Okolando (Auckland) hoton seci, bulukan girin i mederingge sukdun arbun (温带海洋性气候) kai, juwari sehe seme asuru halhūn akū (ten i halhūn erin de manggai 26 Selsius dulefun (摄氏度) i gese, aicibe 30 dulefun be dabara ba akū); tuweri sehe seme, asuru šahūrun inu akū (ten i šahūrun erin de manggai 4 embici 5 Selsius dulefun i gese, ainaha seme juhe jafara doro akū). Tuttu seme, olhosaka juwari duleke manggi, agara forgon uthai Okolando de isinjimbi. Tuktan de kemuni emu juwe inenggi giyalame agambihe, amala uthai inenggidari ton akū agara de isibuhabi. Tebici, ere forgon de, si aika duka tuciki seci, urunakū sara eici nereku be gamafi geneci teni ombi, akū oci, daci šun fosoro galga hocikosaka emu inenggi bihengge, dartai andande tugi aibideri jifi borhome tulhušefi, seb sab agame deribuhe be boljoci ojorakū.
Enenggi bi sara gamahakū uthai tacikū de genehe, tere fonde umai agahakū bihe, majige tulhuken dabala, damu yamjiha manggi boode bederenjiki seci, emgeri busu busu agame deribuhe be sabuhade, arga akū, emu tacin gucu deri sara juwen gaifi booi baru jidere de, geli ayan edun dahabi. Gūnin werihekū galai hūsun majige isirakū ojoro jakade, sarai uthai edun i ici amasi lasihibufi, sarai talgari inu edun de tuku doko ishunde ubašabuha. Tede bi facihiyašafi, ine mene sara jafara be joo, agaci agakini, bi darakū oho seme uthai sara be da songkoi obufi bargiyafi yabuha. Tere aga asuru amba akū bicibe, boode isinjiha erinde mini etuku fakūri gemu usihibuhebi. Te emgeri dobori dulin oho, fai tule hono hūwanggar seme agame bi, maka atanggi nakara be sarkū, majige nekeliyen etuci uthai šahūrun serebumbi. Tuttu secibe, edun agai lakcarakū šor šor sere jilgan be donjime amtanggai amgaci, ere baita ci ele selacuka ningge geli bio?
Ereci amala tuweri wajiha de isitala, inenggi ci inenggi šahūrun ombi sere anggala, emdubei ere gese sirkedere dabala, heni majige agarakū edun nesuken šun genggiyen sere inenggi yargiyan i labsa baharangge, yargiyan i ubiyada, udu šolo baha seme, tucime sargašara doro inu akū, duka tucici emu burgin huksidere de tunggalahade, dardan seme šurgere dabala. Uttu sui baire anggala, gūnin ushafi booi dolo gur seme norome, asu de tafara, bithe hūlara ai de isirakū.
Aga agara dari yaya baita gemu muteburakū, etuku oboho manggi hūwa de lakiyafi walgiyaci, emu burgin agaha de, atanggi olhombi? Tuttu seme, jabšande ere gurun i agai muke ocibe untuhun sukdun ocibe yooni umesi bolgo, Dulimbai gurun de dulembuhe bihe gese jušuhun aga, buraki noho aga gemu akū, uttu ofi, udu oboho etuku geli agai muke de šekebuhe sehe seme, damu hūwa de lakiyafi sindaci uthai wajiha, nantuhūraburahū seme dahūme oboro be baiburakū. sain xu fiyelen! umesi sain! 首先非常羡慕和尊敬大家对于满语的热情。
但建议能否配上汉译啊，这样也能照顾像我这样初涉满语的族人们，同时也利于推广嘛 本帖最后由 brotlein 于 2011-4-27 14:54 编辑
回复 4# 月窗斋主人
大体翻译出来了，凑合着看吧。先前没写译文是因为貌似这个版块只能用满语。
Dulimbai gurun de oci, abka aifini bulukan ofi, hacingga jing ilha ilaha saikan erin biheni; julergi hontoho mumuhu (南半球) i mini bisire ere ajige tun i gurun de oci, forgon tob seme cashūn genefi bolori dubesilehe turgunde, agara inenggi inu labdu oho.
如果是在中国的话，天气已经转暖，正是百花盛开的好时节；而我所在的南半球的岛国，季节却正好相反，秋天接近尾声，雨天也多了起来。
Okolando (Auckland) hoton seci, bulukan girin i mederingge sukdun arbun (温带海洋性气候) kai, juwari sehe seme asuru halhūn akū (ten i halhūn erin de manggai 26 Selsius dulefun (摄氏度) i gese, aicibe 30 dulefun be dabara ba akū); tuweri sehe seme, asuru šahūrun inu akū (ten i šahūrun erin de manggai 4 embici 5 Selsius dulefun i gese, ainaha seme juhe jafara doro akū). Tuttu seme, olhosaka juwari duleke manggi, agara forgon uthai Okolando de isinjimbi. Tuktan de kemuni emu juwe inenggi giyalame agambihe, amala uthai inenggidari ton akū agara de isibuhabi. Tebici, ere forgon de, si aika duka tuciki seci, urunakū sara eici nereku be gamafi geneci teni ombi, akū oci, daci šun fosoro galga hocikosaka emu inenggi bihengge, dartai andande tugi aibideri jifi borhome tulhušefi, seb sab agame deribuhe be boljoci ojorakū.
Auckland市属于温带海洋气候，即使是夏天也不会很热（最热也就是26度的样子，反正绝对不会超过30度）；即使是冬天也不会太冷（最冷的时候也就是4,5度的样子，绝不会结冰）。然而，干乎乎的夏天过去之后，雨季就来到了Auckland. 一开始还隔一两天下一回雨来着，后来就每天都没遍数地下雨了。这个季节如果你想出门的话，必须带上雨伞或雨衣才行，不然太阳照耀的晴朗的好端端的一天，说不定云突然就从哪儿聚集起来，天色阴起来，开始滴答着下雨。
Enenggi bi sara gamahakū uthai tacikū de genehe, tere fonde umai agahakū bihe, majige tulhuken dabala, damu yamjiha manggi boode bederenjiki seci, emgeri busu busu agame deribuhe be sabuhade, arga akū, emu tacin gucu deri sara juwen gaifi booi baru jidere de, geli ayan edun dahabi. Gūnin werihekū galai hūsun majige isirakū ojoro jakade, sarai uthai edun i ici amasi lasihibufi, sarai talgari inu edun de tuku doko ishunde ubašabuha. Tede bi facihiyašafi, ine mene sara jafara be joo, agaci agakini, bi darakū oho seme uthai sara be da songkoi obufi bargiyafi yabuha. Tere aga asuru amba akū bicibe, boode isinjiha erinde mini etuku fakūri gemu usihibuhebi. Te emgeri dobori dulin oho, fai tule hono hūwanggar seme agame bi, maka atanggi nakara be sarkū, majige nekeliyen etuci uthai šahūrun serebumbi. Tuttu secibe, edun agai lakcarakū šor šor sere jilgan be donjime amtanggai amgaci, ere baita ci ele selacuka ningge geli bio?
今天我没带伞就去学校了，那时候没下雨，只是有些阴天罢了。可是天晚了打算回家的时候，就开始淅淅沥沥地下了。看到这样子，也没有办法，从同学那儿借来一把伞就往家走。这时候又起了大风，稍微没留神，没使上手劲儿，雨伞就冲着风往后甩了过去，伞面也被吹得翻了个儿。我很不爽，就想干脆不打伞了，爱下雨就下吧，不管他了。把雨伞弄好收起来走了。虽然雨不是很大，到家的时候衣裤都已经淋湿了。现在已经是半夜，窗外还在哗哗地下大雨，不知道什么时候停。穿的稍微薄一点儿就觉得冷。不过，听着风雨潇潇，若能美美睡一觉，还有比这爽的事儿么？
Ereci amala tuweri wajiha de isitala, inenggi ci inenggi šahūrun ombi sere anggala, emdubei ere gese sirkedere dabala, heni majige agarakū edun nesuken šun genggiyen sere inenggi yargiyan i labsa baharangge, yargiyan i ubiyada, udu šolo baha seme, tucime sargašara doro inu akū, duka tucici emu burgin huksidere de tunggalahade, dardan seme šurgere dabala. Uttu sui baire anggala, gūnin ushafi booi dolo gur seme norome, asu de tafara, bithe hūlara ai de isirakū.
从现在开始一直到冬天结束，一天比一天冷且不说，天也就（一直）这么阴郁连绵罢了。一点儿不下雨风和日丽的天非常难得，真是很讨厌。即使有了空闲，想出去玩儿也不行。出了门儿赶上一阵雨浇，只有瑟瑟发抖的份儿。与其这样找罪受，还不如死了心宅在家里上上网、看看书什么的。
Aga agara dari yaya baita gemu muteburakū, etuku oboho manggi hūwa de lakiyafi walgiyaci, emu burgin agaha de, atanggi olhombi? Tuttu seme, jabšande ere gurun i agai muke ocibe untuhun sukdun ocibe yooni umesi bolgo, Dulimbai gurun de dulembuhe bihe gese jušuhun aga, buraki noho aga gemu akū, uttu ofi, udu oboho etuku geli agai muke de šekebuhe sehe seme, damu hūwa de lakiyafi sindaci uthai wajiha, nantuhūraburahū seme dahūme oboro be baiburakū.
每当下雨就什么也做不成，洗了衣服挂在院子里晾，要是来一阵雨什么时候才能干？不过幸好这儿的雨水也好空气也好都很清新，没有在中国经历过的酸雨啊尘雨啊。所以，洗好的衣服即使又被雨淋透一遍，挂在院子里不管就是了，用不着担心弄脏而重新洗一遍。
回复 5# brotlein
非常感谢您的翻译！哈哈，初来乍到，不懂规矩，被警告了一次。以后记住了，会尊重这里的规矩的。 回复 1# brotlein
si sain,brotlein.bi a. kim jeong il jang gun.. 回复 7# nichuhe
Kim Jeong-il jiyanggiyūn? Wesihun beye be umai takaharakūngge giljaki mangga fiyelen Fergvweme tuwaka! saiikan bithe!
页:
[1]