满语广播第四期播音稿
一、报台geren donjire gucu, yamji saiyvn. be oci asu de bisire manju I manju gisun I selgiyedere tatan. be oci asude bisire manju manju gisun I selgiyedere tatan. bi futa. ulangga hoton U Han de suwende duici bilagan be selgiyedembi. 二、新闻medege5分钟 新闻一neneme hanci inenggi I medege be suwende donjibuki. dergi amargi bai ice donjin I asu I medege. ice biyai nadan inenggi, Mukden hoton I dasan yamun jafame yabubuha, Mukden hoton I sargaxarangge yamun, tonikv alin badarara girin I kadalara duwali uhei alime yabubuha “tofohoci mudan I dulimbai gurun I Mukden hoton I gurusungge juhe nimanggi inenggi” jingkireme deribuhe. donjihangge, juhe nimanggi I inenggi I siden de, susai funcere hacin axxan be yabubume, sargaxara urse juhe nimanggi I ferguwecuke tuwabun be tuwacaci ojoroci tulgiyen, geli bulukan xeri de ebixeme, amtangga booha buda be amtalame mutembi sehe. ere mudan I gurusungge juhe nimanggi inenggi I ciktengge meljere kvwaran tonikv alin I juhe nimanggi I amba jalan jecen sere bade ilibuhabi. gargangga meljere kvwaran oci, dergi amargi Asiya nisure kvwaran, xanggiyan genggiyen xancin nisure kvwaran jai ferguwecuke meifehe nisure kvwaran sere ilan bade ilibuhabi. joringga ucun serengge <Mukden I nimanggi> inu. 新闻二 dulimbai gurun I ice donjin I asu I medege. onggolo inenggi, xu wen I jurgan I jurgan-da 蔡武, gurun I daicing suduri be dasatame arara duwali I jakvci yooni isan de alame, te emgeri juwe tanggv tumen funcere dangse cagan be dasatame wajihabi, amba muru juwan dungxun hergen, ududu bithe be arame tucibuhe bicibe, umai tesutele aisirilame baitalahakv sehe. 蔡武 alame, daicing gurun I tutabume werihe geren hacin I suduri I bithe hon labdu bime, julgei yaya emken jalan ci yongkiyan seci ombi. damu dangse cagan ere emu hacin, uthai juwe minggan tumen funceme werihebi. te be udu emgeri juwe tanggv tumen dasatame tucibuhe bicibe, araralame dasatara turgun de, baitalarangge umai sain akv sehe. I ujeleme alame, ne, daicing suduri I dasatame arara weilen I hvdun dosikangge iletu. jise be ararade, juwan ubu de uyun ubu beideme tuwamgiyara weilen be emgeri wajihabi, dulin funceme ujui mudan I beiden de dosikabi, sehe. 新闻三 sin hvwa asu I beging ni tatan I medege. hanci inenggi, fe gurung ni jalan I xu wen I hede be kadalara niyaman, fe gurung ni hacingga jakai kuren de jingkireme ilibuhabi. kadalara niyaman I tuxan oci, fe gurung ni jalan I xu wen I hede be kadalara weilen-i kooli be arara,
kadalara faksicun jai doigonde targabure kemun be fukjilara, jai geren hacin I weilen be jorixeme kadalarangge. uttu bime, kadalasisa emgeri bodotun I asu I kadalarangga siseten be ilibume deribuhebi. ere faksicun I baitalan, urunakv, fe gurung ni hede be sibkire jai karmara de ambula tusa ombi. emu minggan uyun tanggv jakvnju nadanci aniya, fe gurung, <jalan I hede I algingga ba> sere bithe de dosime, dulimbai gurun I xu wen I hede be karmara emu temgetu ohobi. geren I sahangge, fe gurung oci jalan de bisire ujui jergi hacingga jakai kuren bime, hanci aniya <jalan I xu wen I hede be karmara ba> I hese i songkoi, hacin hacin I karmara weilen be yabubumbihe. kadalara niyaman be ilibure isan de, julgengge jakai yamun I da 单霁翔 alame, niyamangga dasan yamun, xu wen I hede be karmara be ujeleme tuwambime, ere weilen be yabubure mujilen akdun dacun ombi sehe.
三、歌曲
10分钟 歌曲一：dondon inggaha deyeme dondon maksire erin ofi, niyengniyeri jongkon sasanjime hiyahanjambi.(絮翻蝶舞，芳思交加) cin guwan（秦观） I araha <wang hai coo>（望海潮） sere uculen de, uttu saikan emu gisun bihe. ere dade, labdu julgei irgebun jai uculen de, dondon be emu araha jaka obuhabihe. eici beyei simeli umudu be tucibure, eici buyerengge be kidure gvnin be temgetulere jalin. ere mudan suwende donjibure ucun uthai <dondon> seme, bilasi 萧寒I uculehengge. 歌曲二：andasa I mujilen niyalma jalan de banjirede, labdu anda gucu be guculerengge uju oyonggo. uthai emu ucun de uculehengge i adali, udu goro yabuha seme andasa be bairede mangga sehebi. uttu ofi, yaya we gemu andasa be gingguleme wesihuleci acambi. Akxan age I uculehe <andasa I mujilen> be, suwende donjibuki. 歌曲三：萨满神歌片段
四、满语诗歌朗诵 nadan biya goro akv
4分钟mergen I hvlahangge Nadan biya goro akv——huhe noor de bume, mini buyecun be mukiyebucina h’aizi I arahangge, futa ubaliyambuhangge nadan biya goro akvbanin ilgabun i banjirengge goro akvbuyecun goro akvmorin i oforo i fejiledabsun oci noor de bisirengge uttu, huhe noor goro akvdalin de bisire feniyen feniyen i hibsujen i hithenmimbe ede oburengge simeli bime hocikonniowanggiyan orho i dolo ilha jalu ilaka huhe noor deumudu mini beye abka tanggin de bisire morin i adali(uttu, abka tanggin i morin goro akv) bi uthai tere buyetu mujanggatere irgebun de ginggsime uculere bigan ilha inuabka tanggin i morin i hefeli deere ilha i teile horonggo(huhe noor, mini buyecun be mukiyebucina) bigan ilha niohon cikten goro akvoktoi hithen i dolo fe hala gebu goro akv(gvwa hergixere urse emgeri nimeku deri susuhebi nerginde uthai suwembe tuwanaki sembi) uttu, alin dabame muke olome bucerengge goro akvgubci mini beye de giranggi lakiyamelamun muke i oilo eyere mooi gargan i gese a, huhe noormuke i oilo tuhere xun i elden buru bara semeyasa i julergi de bisire gese damu sunja biya ergen i gasha i feniyen aifini deyeme fakcahadamu mini boobai wehe be omire uju gasha deyeme fakcahangge kejinedamu kuke noor i teile funcemeere boobai wehe i giranmuke i oilo tuhere xun i elden buru bara semegelmerjehei bi
五、清文百条朗读
7分钟 jahari I hvlahangge
【gucuse saiyvn, ubade jahari bihe, jabxan de asu de bisire manju i manju gisun i selgiyedere tatan de solibuha de umesi urgunjembi. enenggi bi tanggv meyen bithe i dolo udu fiyelen be hvlafi geren de alibuki.】第一段donjici, si te manju bithe tacimbi sembi, umesi sain, manju gisun serengge, musei manjusai ujui-uju oyonggo baita, uthai nikasai meni-meni ba i gisun i adali, bahanarakv oci ombio, inu, waka-oci-ai, bi juwan aniya funceme nikan bithe taciha, tetele umai dube da tucikekv, jai aikabade manju bithe hvlarakv ubaliyambure be tacirakv oci, juwede gemu sartabuha de ainara, uttu-ofi, emu de oci, age be tuwanjiha, jai de oci, geli sakda ahvn de baire babi, damu baibi angga juwara de mangga, ede-aibi, gisun bici, uthai gisure, mini mutere baita oci, sinde bi geli marimbio, mini bairengge, age gosici xadambi seme ainara, xolo-xolo-de udu meyen manju gisun banjibufi minde hvlabureo, deo bi bahafi hvwaxaci, gemu age i kesi kai, ainaha-seme baili be onggorakv, urunakv ujeleme karulaki, ainu uttu gisurembi, si aika gurun-gvwao, damu sini tacirakv be hendumbi dere, taciki seci tetendere, bi nekulefi simbe niyalma okini sembikai, karulaki serengge, ai-gisun, musei dolo gisureci ombio, tuttu-oci, bi hukxehe seme wajirakv, damu hengkixeme baniha bure dabala, geli ai sere. 第二段absi yoha bihe, bi ergide emu niyamangga niyalmai boode genehe bihe, erei ildun de mini boode darifi, majige teki dere, age si ubade tehebio, inu jakan gurinjihe, uttu oci, musei tehengge giyanakv udu goro, saha bici, aifini simbe tuwanjirakv biheo, je, bi dosiki, age yabu, ai geli, mini boode kai, age wesifi te, ubade sain, si tuttu tehede, bi absi tembi, sain, teme jabduha, ubade emu nikere babi, boo i urse aba, yaha gaju, age bi dambagu omirakv, angga furunahabi, uttu oci cai gana, age gaisu, ke, absi halhvn, halhvn oci majige tukiyecebu, hvwanggiyarakv, mukiyebukini, je, buda be tuwana, belen ningge be hasa benju se, akv, age ume, bi kemuni gvwa bade geneki sembi, ainahabi, belen ningge, sini jalin de dagilahangge ai, geli waka, majige jefi genecina, joobai, emgeri simbe boobe takaha bikai, encu inenggi jai cohome jifi gulhun emu inenggi gisureme teceki.第三段age si inenggidari ederi yaburengge, gemu aibide genembi, bithe hvlaname genembi, manju bithe hvlambi wakao, inu, ne aici jergi bithe hvlambi, encu bithe akv, damu yasai juleri buyarame jai manju gisun i oyonggo jorin i bithe i teile, suwende ginggulere hergen arabumbio akvn, te inenggi xun foholon, hergen arara xolo akv, ereci inenggi xun sidaraka manggi, hergen arabumbi sere anggala, hono ubaliyambubumbikai, age bi bithe hvlara jalin de uju silgime aibide baihanahakv, musei ubai xurdeme umai manju tacikv akv, gvnici sini tacire be ai hendure, atanggi bicibe bi inu bithe hvlanaki, mini funde majige gisureci ojoroo, age si mimbe tacibure niyalma we sembi, sefu sembio, waka kai, meni emu mukvn i ahvn, taciburele urse, gemu meni emu uksure juse deote, jai niyaman hvncihin umai gvwa niyalma akv, adarame seci, mini ahvn inenggidari yamulambi, jabdurakv, ineku be erde yamji adame genere jakade, arga akv, xolo jalgiyanjafi membe tacibumbi, waka oci, age bithe hvlaname geneki sehengge, sain baita dabala, sini funde majige gisureci, minde geli ai fayahabi.【enenggi ubade jooki, aika mini hvlahade taxaraha ba bici, geren de mini jalin jorime tucibuki, geren de ambula baniha, manju gisun i selgiyedere tatan de ambula baniha, jai acaki.】
六、满族老人寄语及收台 5分钟 umesi sain
页:
[1]