taifin necin juktehen i bei wehei ejebun (锡伯太平寺碑记)
<<tumen jalan enteheme ulabuha>>ilan foron geren fucihi hafu ulhin be xoxofi ilan tacihiyan i jurgan be badarame eldebuhe xangcamoni(xakcamoni?) fucihi xajin be eldembuhe genggiyen suduri fujuri ulabun.
sibe aiman daci hailar dergi julergi jalan tolo sere birai xurdeme tehe bihe. amala cicigar mergen bedune jergi bade nadanju duin niru banjibufi dehi aniya funcehebi. elhe taifin i gvsin ningguci aniya
xengsu gosin gvwangdi de jiramin gosingga kesi selgiyefi
sibe sabe ilan meyen banjibufi elhe taifin i gvsin ningguci aniya, gvsin nadaci aniya, gvsin jakvci aniya
mukden de dosibufi geren golo de dendeme tebufi faxxame yabubuha. elhe taifin i gvsin ningguci aniya geren sibe uhei ninju yan menggun baitalafi sunja giyalan boo be gaifi
taifin nekcin juktehen be ilibufi gemun hecen ci ganjur ging be emu tanggv jakvn bodi solifi aniyadari duin forgon geren lamasa isafi hvlame mohon akv buyan enteheme obuha.
abkai wehiyehe i juwan nadaci aniya gvsai da badai, nirui janggin yendembu, efusi sei geren sibe uhei hvsun i ilan giyalan deyen juwe dalbade ilan giyalan asha i boo cin i duka ilan giyalan weilefi
ilan forgon i fucihi be gingguleme juktembi. dehi emu ci aniya gvsai da lobsang, rasi, degesu, jodi sei sibe uhei juktehen be dasame weilefi jungGaba fucihi, sunja doksit ari bolo, duin tiyan wang fucihi ilibufi, yumu doksit ging gvlame enteheme mohon akv obuha.
saicungga fungxen i jakvci aniya nadan biya i juwan ninggun de lii su geo jase janggin emu jergi nonggiha orin emu jerki(jergi?) ejehe.
hvwaxabu gingguleme alibuha.
<锡伯族民间散存满文文献集>sere bithe deri xejilefi gaiha.
页:
[1]