jirim culgan i efime ejehengge~

青年满洲论坛

dorgi monggo ci bederefi udu inenggi oho.
  
   labdu ehe baita bihe manggi emu goro bade sulai yabuki sembi,nenehe jurho tala de geneki sehe bihe,tungliyoo i saciraltu ahvn membe solihabi,uthai jarut i ongko de genehe.
   
   4 biya 29 inenggi de sada、cagan zandan i emgi tungliyoo ci genere meihejen de dosika,inenggi onggolo 11:16 de juraha,meihejen de uthai monggo gisun be donjiha bihe,jugvn de sabuhangge,ongko tala emgeri gobi ohobi.inenggi amala duici erin de tungliyoo meihejen tatan de isinjiha,emu saikan hoton kai,ba ba de gemu monggo hergen i arahangge.onggolo  mini gvnin de horcin ba nikan labdu ofi,monggo gisun gisurerengge komso,damu mini gvnirakvngge giya de kemuni hontoho niyalma tese i niyalmangga gisun i leolehengge umesi lali,monggo gisun be elei ulhime muterakvcibe,ere acahangge i adalixara durun umesi sain.
   
    dorgi monggo i uksurai amba tacikv i  dergi kvwaran i julergi duka i ajinai sun cai puseli de ,uksurai amba tacikv i cana jai huhe hoton ci jihe giya wen be acaha,cana serengge,hulun boir i ewenk ningge,tukdun halangge,giyawen serengge,hulu boir i dahvr.ilan sargan juse i boo gemu saikan hulun boir amba tala,dubentele ewenk gisun be donjiha~
   
    yamjishvn 6:20 de ,jarut gvsai yamun i tere ba ,lu bei jen ci juraha,saciraltu emgeri tubade membe aliyaha,juwe jungken fenceme dulefi  abka ulhiyen ulhiyeni sahaliyan oho.farhvn dobori de tala be geri gari seme sabuha,udu dengjan i elden usiha gerixere gese.
   
    meni lu bei i dedure boo be baiha manggi  uthai tucifi monggo buda jeme genehe,umesi amtangga!
   
    jidere erde,be sejen be baifi hairhan bujan kvwaran i jartu gaxan de genehe,geli juwe sebjen jungken bihe,jarut alingga tala de isinjiha.usacukangge,ubade meni galatun medehe akv.
   
    uba  an i takara tala  adalixarakv,amba hinggan alin i julergi tere ofi,ujan jecen akv tala waka.emke emken sirara ajige alin .
   
    orho kemuni suwanyan bihe.meni aciha fulmiyen sindaha manggi gaxan ci hanciki de ajige alin ci yabuha.jugvn i dalbade ihan jai honin beyei cihai orho jeme bihe,geli udu sahaliyan ulgiyan bihe,jidun de majige medehe gaijiha!!!
   
   budalaha manggi.meni sijigiyan be etufi uthai sejen i amargi holo de bedehe,inenggi amala i alin micume yabuha axxan deribuhebi.alin de gemu fik sere fuldun,narhvn gargan meni gala jai cira be tantame nimehe.niyalma tome alin i giohoto i gese,fuldun uttu labdu ofi be uthai waliyaha manggi gaxan i baru yabuha.
    bederere jugvn de labdu nirugan niruha,labdu yokto baita bihe.be xadame sebjelehe.
   
     enenggi yonggan edun be acaha seme gvnirakv,abka inenggi onggolo i xanggiyan boco deri inenggi amala i suwayan boco oho.abkai jai na gemu suwayan.ere lamun abka xanggiyan tugi  niowanggiyan tala ci sabure mangga .yafahalame bederehe,mini sijigiyan jai gvlha suwayan yonggan toso be jalubuha.
   
    uba be sula fisebucina,gaxan de juwan udu boo teile bi,gemu monggo,nikan gisun gisurerengge sain waka,boo de  labdu hacin axxasu bi,wase boo bi,boihon boo geli bi,ilibuhangge umesi ja,damu tesei banjin umesi sebjen.booi giyalan i fajiran cinggis han i nirugan bi,nahan i dalbai fajiran gemu monggo i alha.
     
      nei erin i hoton i largingga hacin hacin i cihalarakv baita bisire banjin ci bi uba be elei buyembi,
     
    bi monggo gisun taciki sembi,ongko de jai mudan genere de ceni gisun be ulhirakv oki serakv
.tuttu seme cana jai giyawen monggo gisun gisureme bahanarakv,damu tese donjime ulhime mutembi.
     
     dobori be lubeijen de bederehe manggi geli labdu arki omiha,saciraltu arki alime muterakv ofi,bederehe manggi uthai deduhe.
   
   jai inenggi nenehe jurho de genefi morin yaluha bihe,jugvn de piyoose uncasi memde alahangge,jurho de yaya baita gemu akv sehe,be uthai tungliyoo de genehe.
   
    tungliyoo de budalafi saciraltu ahvn hulingool de bederehe,be sirame silmuren sargaxara yafan de geneme efihe.sargaxara yafan de labdu monggo haha juse jai sargan juse bihe,gemu monggo gisun i sula leolehe.
   
     dobori monggo gisun i diyan si tai be tuwame bihe,buyerxeme esi seci ojorakv,atanggi musei manju uksura de beyei gisun i diyan si tai bini.
   
    jidere inenggi inenggi onggolo sun cai omifi cangcun ci bederere meijen de dosika.
   
    efihe erin jaci foholon,damu amala urunakv jai mudan genembi,jirim culgan~

sholom

agu i mujilen be bi sambi. agu monggo gisun tacime buyere oci, umesi sain. jalan sidende niyalma seme banjifi, beyei gisun, beyei hergen be sarkv oci ombio? manju hergen i araha bithe caga tutame jihengge umesi labdu, terebe sibkire be baitangga sere anggala, manju niyalma ci anggala nikan niyalma uruleme sibkime mutembio?