merkime baiha sarkiyan i xutucin

tungusda · 发表于 2011-1-9 12:05:32

gashan jobolon labdu bihe sere anggala juwe mudan i jalan jecen i afan dain de darihangge orici jalan ci nakafi,ice jalan i jidere be okdoro jalin,jalan jecen i geren bade,geren hacin i urgulere axxan be araha bihe.labdukan niyalma taifin namu i dorgi inenggi bilagan kvbulire tonggo i xurdeme bai ajige tun de tafame isinafi ice jalan i ten i nai numuhu de fosome isinjire foson be okdome tuwanaha bihe,beging hoton de emu ice jung hvwa jalan i mukdehun be ilibuha bihe,uhan hoton i suwayan yadana taktu i alban yafan de,emu aligan jalan i amba junggen be hungkerehe bihe.mini gvnin de,utala baita,gemu ice jalan de taifin elhe baha seme ereme karame,niyalmasai banjin wen inenggi inenggi ci sain seme ereme karara serengge.aika amba abkai gashan be jailame muterakv oci,inu niyalmai jobolon be muterei teile ekiyeci acambi,komso seci,orici jalan i tere gese de obuci ojorakv,juken jalan i juleri dulin oci,niyalmasa de tutala jobolon be buhengge gese de obuci elei ojorakv.
bi emgeri sakda ohobi.orici jalan i tanggv aniya de,bi juwan i nadan erin de dariha bihe,mujangga,mini beyei banjihangge ci gisurehengge inu.labdukan nenehe baita emdubei odoliyoi mederi i dorgi de tathvnjahai bime,elemangga hanciki i baita be umesi hvdun i onggoho,ainci sakda de isinjiha niyalmai emu hacin i beyei arbun dursun dere.
bi erse beye darihangge embici donjihangge baita be sarkiyaha de gvwa jorin waka,emude oci,beyei ejere hvsun be cendeme tuwame,odoliyo i weihun hvsun be urebumbi.weile ba ci aljafi juwan aniya ohode,baita hacin be gvnire muten uksun uksun i wasimbuhai turgunde,aikabade geli ureburakv oci uthai uksun uksun i menerere nimekungge niyalmai meyen hanci latura.jaide oci,aika mini juse erebe tuwame gvnici,tesei manaha jalan niyalma jai nenehe mafari ai gesei bai arbun dursun de banjime duleme jihengge i amba muru be same mutembi.damu uttu dere.

青年满洲论坛 · 发表于 2011-1-9 14:03:59

sain xu fiyelen~~~

H.Muke · 发表于 2011-1-9 17:52:01

orici jalan ai gvnin? 20th Century mujanggao? uttu oci , orici jalarin seci ele sain.

tungusda · 发表于 2011-1-10 04:34:09

3# H.Muke
hha ha,tacibuha be baniha~~~

账号		自动登录	找回密码
密码			马上加入

merkime baiha sarkiyan i xutucin

本帖子中包含更多资源

评分