merkime baiha sarkiyan--mini ama

tungusda

bi baita be majige ejeme mutere erin ci deribuhede,mini ama minde buhengge ejesu oci umesi komso,labdu sehede tere ice aniya embici sainggi be dulere fonde asha fasha hvluri malari seme boode bederefi udu inenggi i tefi,geli asha fasha hvluri malari seme yabuha.bi damu i meihejen jugvn de weile araha,julergi manju i jergi bade bihe,i umesi labdu bade genehe bihe,junggin jeo,jurgangga hiyan,hoto tun, dalin hoton i jeo xuize sere bade bihe,mukden hoton i hvwanggutun jergi bade bihe serebe saha.udu labdu bade genehe seme,meihejen jugvn de wajitala aljahakv.emu minggan uyun tanggv susai ilaci aniya i bolori forgonde,i dargalafi ergehebi,lala dubei weilehe ba oci mukden i meihejen jugvn i kvwaran i den alin sere wehe be gurure ba inu,ere ba oci meihejen jugvn be arara wehengge da be gurunjime arara ba serengge.mukden i meihejen jugvn i kvwaran inde emu junggin kiru be buhe,terei dele de arame hendume,niyalma irgen i meihejen jugvn be arara jalin susai funcere aniya i fafurxame temxendufi derengge eldengge dargalafi ergeme sakda ujimbi.erse juwan funcere hergen terei emu jalan i kicehengge be emu tongki be niruhabi.ereci,mukden i hvwanggutun de bederefi goidame tehebi.damu ere erin de bi aifini mukden deri aljaha bihe.uttu ofi,mini ama i jube be,labdukan oci mini eme de donjibume buhengge,geli emu niyalma,tere uthai sun yuye ilaci ecike,tere oci mini ama ere jalan jecen deri aljanggala,mini ama i dalbade bucetele aljahakv niyalma serengge.

H.Muke

“mini ama minde buhengge ejesu ”------minde BUHE ejesu....

buhengge= buhe ningge, gebsun inu, arbusun waka

tungusda

baniha~

Pisci-Tear

回复 3# tungusda


    si ere weekend jitereo? aike erin bici, uthai sini ama i baita minde alaki, ombio?

tungusda

回复 4# Pisci-Tear


    esi      ombi~

akxan

ere boo niyalma,banjihangge gemu emu adali i gese.....absi ferguwecuke

akxan

akvoci 克隆lehengge nio ?

sholom

ume balai gisurere!