【1】

sure

【1】
A: donjici, si te manju bithe tacimbi sembi. umesi sain. manju gisun serengge, muse i manjusa i ujui uju oyonggo baita. uthai nikansa i meni meni ba i gisun i adali. bahanarakv oci ombio.
B: inu, waka oci ai. bi juwan aniya funceme nikan bithe taciha. tetele umai dube da tucikekv. jai aikabade manju bithe hvlarakv, ubaliyambure be tacirakv oci, juwede gemu sartabuha de ainara. uttu ofi, emu de oci, age be tuwanjiha. jaide oci, geli sakda ahvn de baire babi. damu baibi angga juwara de mangga.
A: ede aibi. gisun bici, uthai gisure. mini mutere baita oci, sinde bi geli marambio,
B: mini bairengge, age gosici, xadambi seme ainara, xolo xolo de udu meyen manju gisun banjibufi minde hvlabureo. deo bi bahafi hvwaxaci, gemu age i kesi kai. ainaha seme baili be onggorakv. urunakv ujeleme karulaki.
A: ainu uttu gisurembi. si aika gurun gvwao. damu sini tacirakv be hendumbi dere. taciki seci tetendere, bi nekulefi simbe niyalma okini sembikai. karulaki serengge, ai gisun. muse i dolo gisureci ombio.
B: tuttu oci, bi hukxehe seme wajirakv. damu hengkixeme baniha bure dabala.
A:geli ai sere.

childez

{:soso__11226526354066148663_2:}{:soso__11226526354066148663_2:}{:soso__11226526354066148663_2:}{:soso__11226526354066148663_2:}{:soso__11226526354066148663_2:}

Namutu

childez 发表于 2012-7-2 21:02
{:so ...

我擦 还有实名认证呢