|
isan emgeri duin inenggi duleke,teni bajime xolo bifi labdu balai gisun be arambi.
neneme musei ere gurun de baniha,mini ama jai eniye de baniha,haji mini sargan de baniha,jai geren manjusa,haji mini andasa.
ere gvnin duleke aniya ci bihe manggi uthai bodoho,nenehe meni tacikv de emu banjin inenggi i isan yabubuki sehe bihe,isitala ere juwari majige bodoho ningge be araha,meni isan ere arahangge i gese mujangga,9ci biya de ,cangcun hoton i yamuse kung fuzi miyoo de emu banjin inenggi i urgunlere dorolon yabubuha,bi inu genehe~cangcun hoton i tacin,manju gisun tacire kurse 11ci biya de inu emu isan be arambi,emu biya i onggolo bi saman xu wen kuren de genehe manggi guwargiya saman be tuwaha erin de ,xan sefu、girgin ahvn、moringga age、abdaha age inu genehe,uttu labdu niyalma isaha manggi banjin inenggi i dorolon be bodoho,ere ci julesi be uthai hahi cahi seme arame deribuhe~
oi~ gurun de baniha,mini ama jai eniye de baniha,geren manjusa de baniha~ujui banihalangge girgin ahvn inu,ba ba de yabuha manggi baita be araha,uttu amba se de manggataha~
mejige be tucibuhe erin de ,xen jen de weilere bocihe eyun neneme deyetun i piyoose be udaha,xen jen ci deyehe manggi beging ci cangcun hoton de jihe.cinggeljin inu minde alaha tere urunakv jimbi sehe,geli labdu mukden hoton i amba ahvn be gaiha,mini niyaman yargiyan halhvn,fiyangtahvn ahvn araha haxan de umesi baniha,ere haxan umesi saikan kai!hasutai ahvn,minggantu gege,akdun ahvn,hasuran ajige deo,injahan sere erehe niyalma gemu jihe, calcin 、mergen jai jioi zi ese jihekvngge de watai tarnilambi~
ereci julesi uthai geren hacin araha、bodoho、leolecehe、ulaha、isan kvwaran be baiha、ucun be urebuhe,meni kumun meyen de umesi banihalambi,sada、tulgur、yan jin、cang hai、tang sioi、xin boobai,geli mini ere ehe ucunlehe jilgan be kirime mutehe~labdu gisurerakv oho,eiterecibe,geren hacin baniha~
24ci inenggi jime mutere niyalma i afahari be araha,uthai buda puseli de toktoho.
dorolon onggolo i udu dobori bi daci dube amgame mutehekv,bi emu nukcibure mangga niyalma dere~26ci inenggi dobori,meni kumun meyen urehe manggi nimaraha,nimanggi nimara ele elei amba，ulhiyen ulhiyeni ujen nimanggi oho.
27ci inenggi i erde,tugi、injahan i emgi efisi i etuku adu be turinabuhe,inenggi amala meni udu niyalma uthai isan kvwaran de genehe,dorolon urunakv emu efime doigon bihe,meni kumun meyen jihe manggi uthai bajime uculehe,donjici kemuni ombi,ere inenggi cinggerjin jai akdun jihe~tuwaci meni banjin 27ci inenggi deri uthai deribuhe,yamjishvn gemu halhvn mecen jime genehe,cinggerjin minde jenduken alame,enenggi xan sefu i banjiha inenggi inu sehe,tuttu oci be uthai emu umhan efen be udaha,be umhan efen be manju hergen araha manggi halhvn mecen puseli de bederefi,xan sefu uthai hahajui i adali sebjen~
jai inenggi uthai musei banjin inenggi oho!
bi erde isan kvwaran de genehe,gemu jihekv,damu minggantu 、 hasutai jai bocihe emgeri cangcun hoton de isinjihe,urunakv erdeken i acaha kai,minggantu gege yala ulebun i gese i juwe~hasutai age yargiyan i baksi,manjurarangge umesi sain,tuktan de terei gisurehengge majige sibe mudan bihe,damu udu cike donjiha manggi uthai getuken oho~esi dere,hasutai age gisurehengge bithe gisun inu,jalin i bi sibe gisun donjime mutehekv,ere udu inenggi labdu taciha!
haxan teni araha,tebunebuhengge ijishvn acabungga,jaci saikan,hasuran acaha dubentele,umesi buyecuke~jalan de uttu buyecuke sargan jui bisire kooli inu bini~
sain,banjin inenggi i urgulere dorolon 11:30 erin de jingkireme deribuhe.
xeri muke gege nikan gisun i jafatasi inu,hasuran mini sasa manjurame jafataha,manju bithe oci sure ahvn arahangge,minde tuwaha erin akv,uttu ofi mini hvlahangge sain waka.
neneme nurgaci han be dobome wecehe,te manjusa urunakv emu oyonggo mujilen i ejen bi!dung sefu manju sere gebu ilibuha hese be manjurame hvlafi,muse 《juse omosi tumen jalan 》 sere ucun donjire de gerenofi gingguleme niyakvraha manggi xan sefu beye urgungga wecere deretu de bisire gubci urehe ulgiyan i uju be geren de dendeme buha.
cicigar ci jihe meng sakda sefu jalin i asihata udu cike gisurehe,meng sakda sefu i niyamangga gisun uthai manju gisun inu,gisurehe manggi xungge efin deribuhe~
uju ningge,meni kumun meyen i ucun,akxan age i xongkoro be uculehe,mini uculehengge sain waka~damu gvwa niyalma arahangge umesi saikan.
jai ningge,erimbu sefu i morin kituhan i kumun,monggo i honggaru jai dayabol,musei manjusa i efin umesi sain jiya,girin amba tacikv i maksin,manju sargan jui,moringga i deote i poping maksin,sada jai morin maktacun be uculehe,mini sefu jahari ilan gurun i bithe be hvlaha,tese efihengge gemu minci sain~amala meni kumun meyen geli juwe ucun be uculehe,gebu be mini gaxan jai andasa i mujilen sehe,mini gaxan hurd ningge inu,bi umesi cihalambi,calcin ere ucun be manju bithe de obuha bihe,andasa i mujilen sere ucun manjusa gemu same mutehe kai,akxan age i ningge,xuwe amala,labdu manjusa sasa hargaxame wecere alin be uculehe,sukdun inu halhvn oho~uculehe manggi musei xungge efin wajiha....
wajiha manggi emu ceo jiyang bihe,habcihiyan bocihe eyun emu soni mp3 be tucibuhe,mini tacikv i ajige sargan jui ere jaka be gaiha,absi jabxan bihe kai~~
isan kvwaran be dasataha manggi be duleke inenggi genehe halhvn mecun puseli de halhvn genehe,sirame arki omiha,labdu yokto bisire baita bihe,gisurerakv oho.
wajihao,wajihakv.
dobori hasutai jai minggantu meni dedure boo de tehe,be eiten baita de gemu leolehe,jai inenggi erde i 4ci erin de teni amganaha..
29ci inenggi,be manju gurun i gurung de genembihe,manju etuku be etumbihe~geren hacin efihe,damu yamjishvnci minggantu、akdun 、bocihe、cinggerjin、hasutai gemu siran siran i yabuha....
enenggi emgeri jorgon biya oho.cangcun hoton geli nimanggi nimaraha,banjin inu uttu sirame banjimbi.
ohobi,gvwa gisun inu akv oho.
bi end turjee....mini manju....... |
IP卡
狗仔卡
发表于 2011-1-5 08:55:25
提升卡
置顶卡
沉默卡
喧嚣卡
变色卡
显身卡
发表于 2011-1-5 17:49:17
楼主