今晚将首播第三期。元旦新年加长特辑。
下载地址：http://users9.jabry.com/manjura/namun/manjura2.mp3
一、medege(ice donjin)新闻 1.
报台 geren donjire gucu, yamji saiyvn. be oci asu de bisire manju I manju gisun I selgiyedere tatan. be oci asu de bisire manju I manju gisun I selgiyedere tatan. bi futa. ulangga hoton Uhan de suwende jai bilagan be selgiyedembi. 2.
新闻一 Liyoo Xen yamji serkiyen（辽沈晚报） jorgon biyai juwan jakvn inenggi alame ulahangge, ulusu gurun I ujui aligan manju I nirure kvwaran be Mukden hoton de ilibuhabi. tesu goloi emu tanggv funcere manju arasi nirusi jifi embade manju irgeten I an tacin be leoleceme, arara nirure faksi de meimeni tuwakvn be halame bumbihe. ere nirure kvwaran be ilibuhangge, manju irgeten I cohotoi xu wen be badarabure, irgetengge xu wen I hede be karmara jalin. kvwaran I ilibure isan de, Liyooning goloi manju arasi nirusi sa I ere aniya fukjilame araha labdu xanggan be sarame tuwabuhabi. 3.
新闻二 geli emu fiyelen Liyoo Xen yamji serkiiyen I medege. jorgon biyai orin inenggi, fujurulatu 查金辉 ini araha
<hiri amgara temgetu be forime getebu> sere xu fiyelen de, musede Mukden hoton I manju gisun be tacibure boo be narhvxame takabuhabi. ne tacibure boode uheri juwe tacibusi manju kicen be tacibumbi, tacisisa asu deri kicen I mejige be bahafi safi tacinjimbi.. ede juwe hacin ningge bi. emu hacin I tacisi gvsin sunja se ci wesihun, tese elekei gemu manju niyalma. susai juwe se oho 贾立红 emu biyai onggolo tacibure boode jifi tacime deribuhe, tacime wajiha dari kemuni boode bederefi ini jakvnju se oho eme be tacibumbi. gvwa emu hacingge gvsin sunja se ci fusihvn asihata inu. FengCeng manju beye dasara gvsa I xu wen I kvwaran deri jihe Li halangge jai ioi halangga uthai siden baita de takvrabufi tacinjibuhangge. usilan I dube dari, juwenofi hon erde I Fengceng hoton ci sejen teme Mukden hoton de tacinjimbi. inenggi amala duin erin de kicen tacime wajifi, boode bederefi emgeri yamjishvn ohobi. tacibusi Lio Gvwanciowen agu alame, manju gisun tacire de, urunakv beye hvsutuleme tacici acambi, musei tacibure boo, damu geren de emu tacindure nashvn bure dabala sehe. 4.
新闻三 irgen I asu I medege. Hebei goloi Fengning manju beye dasara gvsa I hacingga jakai kuren I cohotoi ejere helmecun be helmecuneme wajihabi. Fengning jucutun tatan ere helmecun be helmecunehengge, teisu ba I irgese de Fengning ni suduri jai xu wen be takabufi, beyei da gaxan jai beyei xu wen be hairabure jalin. Fengning gvsa de uheri gvsin tumen hamire manju niyalma bimbime, hanci aniya manju xu wen de gvnin dosimburengge labdukan ohobi.
二、歌曲节目 1.
介绍歌手及歌曲 geren gingguleme sirame donjiki. enenggi muse emu manju asihan hehengge bilasi suwende takabuki. tere uthai saikan manju sarganjui Lioi Wen bo gege. Lioi Wen bo nadan se ci uthai uculeme derbume, juwan juwe se de Girin Baixan hoton I ajige uculesi sere algingga colo be gaiha bihe. <bayan bolori> oci, ini ice fukjilame araha ucun, udu manjurame uculerengge waka secibe, uculen i siden de fihere manju buyenin iletu seci ombi. ere ucun be muse sasa donjiki. 2.
第二首歌 dahame emu fe ucun be donjiki. The virgin sere kumun i meyen, emu <stop stop stop> sere ucun be uculehe bihe. amala, 蔡依林 geli <love love love> seme erebe uculembihe. enenggi musei donjirengge oci manju gisun i folon, <naka naka naka> 满语故事： niohe jai kurbo honin Niohe ajige birgan i ekcin de jifi,emu ajige kurbo honin tubade jing muke ominaha be sabuha. niohe ajige kurbo honin be jaci jeke seme gvnifi,uthai jortai fiktu baime gisureme:”si mini omire muke be langse obuhe!si ai gvnin be tebuhebi?”sehe. ajige kurbo honin ambula golofi,nemegiyen i gisureme:”bi adarame sini omire muke be langse obuha biheni?si dergi eyen de ilihabi,muke oci sini tuba deri mini ubade eyeme jihengge, umai mini uba deri sini tubaci eyeme genehengge waka.”sehe niohe jilidame gisureme:”uthai eralingge okini,si dade emu ehe jaka!mini donjiha bade,duleke aniya si mini saburkv bade mimbe ehencume gisurehe sembi!sehe. jilaka ajige kurbo honin kaicame gisureme:”o,senggime haji niohe siyan xeng,tere serengge akv baita,duleke aniya bi kemuni banjire hono unde!”sehe. niohe dahvme temxeme mekteme cihalarkv oho,weihe be tucibufi,ajige kurbo honin ci hafirame latunjifi,amba jilagan i asukiyeme:”sini ere ajige ehe jaka!mimbe ehencume gisurehengge,si waka oci uthai sini ama kai,absi okini gemu emu adali.”seme gisurehei uthai ajige kurbo honin ci aburame genehe. 清文启蒙连载： sikse si aibide genehe bihe. bi niyalma be takvrafi, simbe solime genebuci sini booi niyalma simbe boode akv gvwabsi genehe sehe. bi simbe bodoci, ainci meni boode jimbi dere seme emu inenggi xun tuhetele aliyaci, si umai jihekv. baibi emu inenggi aliyaha, gvwa emu baita de geneki seci geli simbe jiderahv sembi. absi gvnin baibuha ni. age sini ere uthai waka ohobi. we ya de emu hexu haxu i baita akv ni. damu weri boode feliyembio, tere anggala mini beye xuntuhuni alban de kame jabdurakv bime, weri cisui baitade daname gene seci giyanakv xolo bio. bi sinde yanduha baita be si tede henduhebio. tere gvnin be tuwaci ombio ojorakvn. bi tede henduhebi. ini hendurengge, emu niyalma baita oci, kemuni ja bihe, geren i baita ojoro jakade umesi mangga, elheken i oso ume hahilara sehe. bi geli ere baita be jiduji atanggi teni yargiyan mejige bahara seme inde fonjici, ini gisun mejige bahaci, sinde benebuci uthai wajiha. aiseme emdubei fonjimbi sehe. bi ini arbun be tuwaci inu baita be sartabure niyalma waka. si damu mujilen be sulakan sinda. sini baita be mutebuci uthai wajiha. ede ai kenehunjere babi. si naranggi mimbe aibide gene sembi. absi toktohon akv bai. emu akdun gisun bici gvwa niyalma inu dahame yabure de ja secina, ere gese angga ubaxakv niyalma geli bini. beye geneki sehe dabala, we simbe gene sehe. te bicibe generakv niyalma be ergeletei gene seci ombio. niyalma hendure balama, niyalma be sahangge getuken, beyebe sahangge hvlhi sehengge kai. yaya baita de damu beyei cihakv bade inu niyalma de ume isibure oci, ainci ojorakv sere ba uthai akv dere. mini emu baita, baibi yabuci ojorakv gese, age si gosici mini funde genefi gisureme mutebuhe manggi, bi age i ferguwecuke gvnin be ainaha seme urgederakv. urunakv ujen baili isibuki. ere gemu an i jergi baita kai. sini beye genefi uthai gisurembi dere. ede niyalma de ai baire babi. tuttu seme te doigonde gisurerakvci ojorakv. aikabade te mutembi seme hendufi, amaga inenggi muterakv ohode ainara, te muterakv seme henduci, amaga inenggi mutebuhede geli ainara. giyan be bodome ohode, bi esi muterei teile faxxaci, talu de sini baita be mutebuci, si inu ume urgunjere, sini baita be muteburakv oci, si inu ume ushara. uttu ohode bi teni sini funde genefi faxxaci ombi. bi age be tafulahangge simbe sain okini, ehe tacirahv sere gvnin, giyan de acanara gese oci, si uthai dahame yabu. giyan de acanarakv oci uthai naka. simbe ofi bi teni uttu gisurere dabala, gvwa de bihe bici, bi inu ere gese gisurerakv bihe. eci ai, age si serengge gvnin saha, gucu ofi teni uttu tafulara dabala, aikabade arsari gucu oci niyalmai endebuku be saha manggi, tafularakv sere anggala hono basumbikai. donjici tondoi gisun xan de icakv bicibe yabun de tusa, sain okto angga de gosihon bicibe nimeku de tusa sehebi. gemu age i adali gucuse de sain ningge, giyanakv udu bi.
其他略
| 
IP卡
狗仔卡
发表于 2012-1-1 14:52:35
提升卡
置顶卡
沉默卡
喧嚣卡
变色卡
显身卡
发表于 2012-1-1 19:41:28
发表于 2012-1-17 22:02:52
谢谢