jalan de ulhibure uqulen

jahari

ubaliyambuha uqulen juru gisun irgebun fujurun

翻译词联诗赋

赫 文 转写整理

白山市第二十五中学 教师 （白山市 江源区 弯沟镇）

jalan de ulhibure uqulen

ai bithei urse usin i haha, weilere faksi hvdai niyalma, inenggidari kata fata niyalma banjinjifi untuhusaka, erebe gaisu terebe gama, hendure balama wesihun fusihvn de teisu bi, jabxara ufararangge bodoro de mangga, ai gin gu yafan i bolori edun, u giyang birai dobori biya, o fang gurung fulahvn, tung kiyoo karan aba, gemu han dan tolgin i gese tolgixaha, yargiyan i nasaquka yargiyan i usaquka, eitereqibe abka de sebjeleme hesebun be saqina, teisu be dahame an be tuwakiya, nenehe han amaga han sere be ai gana, yendehe gurun gukuhe gurun sere be ai hala, buqere hamiqi ukqara de mangga, julgeqi ebsi baturu kiyangkiyasa siran siran i ufaraha, iletu derengge saikan ilha i dergi silenggi, bayan wesihun orho i oilorgi geqen dabala, jalan i baita gemu uttu oho be tuwaqi, yendere gukure be aiseme mujilen de dara, muduri taktu garudai asari sere be jooqina, aisi jugvn gebui tangkan sere be nakaqina, sula fonde ekisaka tefi, irgebun nure i emhun sebjeleqina emgeri gingsifi bedereqi ai tookan, emgeri uqun uqulefi, xanyan muke buru bara, edun be gingsime biya be irgebume amtangga wangga be gaiqina, haqingga ilha ilaqi alha bulha, geren gasha guwendeqi jiji jaja, eiqi alin i dalba, eiqi mukei dalba, bigan tala aba saha, ere nerginde absi saixaquka, taka emu qoman i nure be waqihiya, yasa habtaxara sidende juwe ergi xulu xaraka.