juru gisun

jahari

ubaliyambuha uqulen juru gisun irgebun fujurun

翻译词联诗赋

赫 文 转写整理

白山市第二十五中学 教师 （白山市 江源区 弯沟镇）

juru gisun

lioi sin u siyan xeng

jalan de bisire de ehequhe maktaha seme ume sesulere, urui mini uru qanggi mini waka akv oqi, niyalmai qihai fulu eberi leolekini, beye be ilibure de sain ehe seme ume bodoro, damu sain ome yabu ehe ome yaburakv oso, abkai iqi jobolon hvturi isibukini, emgeri bethe endebuqi minggan jalan otolo korsoqun tutabumbi.

dasame uju mariqi tanggv aniya otolo beye taksimbi.

yang jiyoo xan siyan xeng

teng sere meiren i doro jurgan be aliha, kafur sere gala i xu fiyelen be araha, guwan di enduri i muktehen, ilan ubu dedere ton toktoho turgunde, han gurun be wehiyere jalin, wei gurun be neqihiyere, u gurun be dailara de, joboqun suilaqun be yongkiyabume alihai, umai emu jalan i baita faxxan be waqihiyabuhakvbi, emu uhe obure mujin tebuhe turgun de daiqing gurun be karmara jalin, hutu ibagan be dahabure, hvlha holo be gisabure de, horon ferguwequke be ambarame iletulehei, damu tere fon i unenggi tondo be akvmbumbidere.

jui be benjire toosengge bulekuxere fusa i muktehen

bi emu tunggen i ser sere jilan mujilen tebufi, haha jui be emke tebeliyefi sinde benjihe, si udu haqin i lak sere sain baita yabufi, butui gungge be majige iktambufi tede weriqina.

dergi qolhon i muktehen

niyalmai jalan i jalingga kiyangkiyan, abka qi jurqeme giyan be ebdererengge gemu beyei qiha ojoro dabala, qargi jalan i karulan aqabun, julge qi ebsi te de isinjitele naranggi webe sindame dulembuhe biheni. ilan tondonggo enduri i jukden

o lung g’ang sere mangkan, ju siyan jen sere ba, lin an qeng sere hoton de, buju baja antaha duleme yabuha dari leksei sejileme merkinduhe, qu xi biyoo sere bithe, man giyang hvng sere uqulen, jeng ki g’o sere uqun be, julgeqi tetele niyalma niyeleme hvlaha dari biretei nasame gvninduha. yuwan zi cai i sargan jui beyei jalin nasara be irgebuhengge

genggiyen alin tondo amban i giranggi be umbuhangge absi jabxan, xanyan sele jalingga hvlha i evren be hungkerehengge ai sui,

giye qvn siyan xeng ni jui kingsi de buhengge

baita be ume dekdebure, inu ume baita be sartabure,

gebu be gairakv dabala, gelhun akv gebu be tuwaxarakvn.

sai he ting siyan xeng

ekisaka erinde onggolo endebuku be narhvxeme gvni

sula uquri ajigan bithe be niyeqeme hvla

qen gi qang

etuku be hairakini, jeku be hairakini, umai ulin be hairarangge waka, damu hvturi be hairaqina, gebu be baiqibe aisi be baiqibe urui beye de baire dabala, ume niyalma de baire.

giye qvn siyan xeng ni tang tang ajige booi tura de folohongge

musei beye qi yaburengge uttu oqi aqambi

abkai hesebun de sebqelerengge ai tathvnjara babi

guwan aisilabukv gebu boo

gisun be yabure de ja akv untuhuri gisureqi ja

baita be leolere de mangga akv baita waqihiyaqi mangga

giye qvn siyan xeng gaitai irgebuhengge

nimaha mukei dolo godoqi niowanggiyan hvwalara gese

gasha abkai tule mariqi niohon nisihai isinjiha

giye qvn siyan xeng yvn fung alin de sabingga ba be tuwara de gaitai irgebuhengge

genggiyen biya jalure ekiyere ba bisire be gvniqi aqambi,

neore tugi uru waka ba akv be dembei buyembi.

giye qvn siyan xeng jurgangga taqikv be baiqara de sefu xabi de buhengge

enduringge saisa i taqin fonjin be damu bandarakv oso,

julge te i gungge gebu be urui faxxan bisu.

he ting siyan xeng jurgangga taqikv de buhengge

taqihiyan wen bireme selgiyebufi juse deote be xumilame hvwaxabuqi ombi

niyalmai xu ambula yendefi gung heo be ilihai baiqi ombi